Kailan naging tunay na Dios si Cristo?

(1) Kailan naging tunay na Dios si Cristo?

Sagot: Si Cristo ay hindi “naging” Dios—Siya ay Dios na mula pa sa simula.

Juan 1:1 – “Nang pasimula siya ang Verbo, at ang Verbo ay sumasa Dios, at ang Verbo ay Dios.”

Juan 1:14 – “At ang Verbo ay nagkatawang-tao…”

Hindi Siya ginawang Dios, kundi Siya ay Dios na mula pa sa walang hanggan.

(2) Kailan itinuro ng mga apostol na si Cristo ay Dios?

Sagot: Marami:

Juan 20:28 – “Sumagot si Tomas at sinabi sa kanya, Aking Panginoon at aking Dios!”

Tito 2:13 – ”…ang dakilang Dios at Tagapagligtas na si Jesu-Cristo.”

Hebreo 1:8 – “Ngunit tungkol sa Anak ay sinabi, ‘Ang iyong trono, O Dios, ay magpakailanman.’”

Kaya, malinaw: ang mga apostol mismo ang nagturo ng pagka-Dios ni Cristo.

(3) Nasaan si Cristo sa Lumang Tipan?

Sagot:

Isaias 9:6 – “At ang kanyang pangalan ay tatawaging…Makapangyarihang Dios, Walang hanggang Ama…”

Mikas 5:2 – ”…mula sa iyo (Bethlehem) ay lalabas…ang kanyang pinagmulan ay mula sa panahon pa ng walang hanggan.

Daniel 7:13-14 – “Parang Anak ng Tao” na binigyan ng kapamahalaan at kaluwalhatian.

Si Cristo ay pre-existent sa OT, at kausap Niya mismo ang Ama sa Juan 17:5: “Luwalhatiin mo ako ng kaluwalhatiang taglay ko sa iyo bago pa ang sanlibutan.”

(4) Kung si Cristo ang Dios, sino ang Anak Niya?

Sagot: Ang pagka-Dios ni Cristo ay hindi nangangahulugang Siya ay Ama ng isang anak.

Ang pagka-Anak Niya ay kalagayan ng relasyon sa Ama sa loob ng Trinidad.

Hindi nangangailangan ang isang Dios Anak ng sariling anak upang Siya’y maging Dios.

(5) Kung si Cristo ay pinahiran, sino ang nagpahid?

Sagot: Ang Ama ang nagpahid sa Kanya, hindi dahil mas mababa Siya sa pagka-Dios, kundi ito ay tungkol sa Kanyang misyon bilang tao.

Filipos 2:6-7 – ”…bagama’t Siya’y nasa anyong Dios, hindi Niya inaring bagay ang pagiging kapantay ng Dios, kundi nagpakababa…”

Hindi ipinagkakaila ang pagiging Anak at pagpapakumbaba ni Cristo kahit Siya ay tunay na Dios.

(6) Kung ang Dios ay bumaba, sino ang naiwan sa langit?

Sagot: Ang Trinidad ay hindi nahahati. Ang Diyos ay hindi limitado sa espasyo o anyo.

Habang si Cristo ay nasa lupa sa anyong tao, ang Kanyang pagka-Dios ay nanatili.

Juan 3:13 – “Walang umakyat sa langit kundi yaong bumaba mula sa langit, ang Anak ng Tao na nasa langit.”

Kaya kahit narito Siya sa lupa, nasa langit pa rin Siya bilang Dios.

(7) “Walang talatang nagsasabing si Cristo ay hindi Dios” – patas ba ito?

Sagot: Oo, sapagkat maraming talata ang tahasang nagsasabing Siya ay Dios (tingnan muli Juan 1:1, Hebreo 1:8, Juan 20:28).

Ang argumento ukol kay Hudas ay maling lohika—wala kasing sinuman ang sumamba kay Hudas o tinawag siyang Dios.

Ang prinsipyo: affirmation is stronger than silence. Si Cristo ay tahasang tinawag na Dios, si Hudas ay hindi.

(8) Kung si Cristo ay tao, paano Siya naging Dios?

Sagot: Si Cristo ay totoong tao at totoong Dios.

Juan 8:40 ay tumutukoy sa Kanyang pagiging tao—hindi ito pagtanggi sa Kanyang pagka-Dios.

1 Timoteo 3:16 – “Ang hiwaga ng kabanalan ay dakila: Siya na nahayag sa laman…”

Colosas 2:9 – “Sa Kanya nananahan ang kapuspusan ng pagka-Dios sa anyong katawan.”

Hindi “isinisingit” ang pagka-Dios ni Cristo—ito ay katuruang nakaugat sa kabuuan ng Kasulatan.

(9) Pasmado at malnourished daw ang utak?

Sagot: Hindi kinakailangan ang panlalait sa pagtatalo.

Ang tunay na nagmamahal sa katotohanan ay hindi umaatake ng pagkatao kundi nagtatanghal ng katotohanang may paggalang at kababaang-loob.

2 Timoteo 2:24-25 – “Ang alipin ng Panginoon ay hindi dapat makipagtalo kundi mahinahon sa lahat…”